الحنيه يعنى ايدين بتطبطب لما
تبقى وحيد محتاج اللمه
دمعه ودافيه
ضحكه وصافيه
الحنيه تبان فى الوش
الحنيه تبان فى البسمه من غير غش
صوت محبوبك لما ينادى
حب وطيبه وحنان مش عادى
امك لما تكون عيان
لمسه ايدها فى اى مكان
تشفى فى لحظه وتبقى تمام
ولايتيم فى دموع العين
طفل ومادد ايديه الاتنين
الحنيه لما الاب يزعق لابنه
من ورا قلبه
لما الجد يبوس فى حفيده
ياخده فى حضنه ويمسك ايده
وما تسافر وانت بعيد
لما تكون محتاج لحبيب
وما بترجع روحك ترجع جوه ضلوعك
الحنيه الحقيقه
لما رضيع للام يموت
يرفع جوه الصدر حنانها انه يموت
هناك 5 تعليقات:
جميلة جدا جدا هذه الكلمات و فيها كثير من الشجن
اسمتعت بقرائتها كثيرا
احييك على ذوقك الراقي اخي عمرو كمال
اخوك الجزائري
بسم الله الرحمن الرحيم
السلام عليكم ورحمة الله وبركاته
رائعة جدا يا عمرو الخاطرة دي بجد
محسوسة جدا
كان نفسي أكون أول تعليق لكن المدونة بتاعتك مش عارفة ليه مكنتش راضية تفتح معايا
تسلم ايديك يا عمرو بجد كلام تحفه مفيش اجمل من الاحساس بالحنان من اي حد جمبك او تحسها بنظرته او بكلمه حنيه وخوف وطيبه كلها بتباه في ناس حوليك وبتحسها جداا تحياتي لك
انت فين يا بنى انت .. وايه بقى المدونة الحليوة دى
طيب يا موعلم
نعلق بقى
بجد يا عمرو تحفة والله مالهاش حل بصراحة جميلة اوى
تسلم مشاعرك اللى خرجت الحاجات الحلوة دى
اهلا اخى الجزائرى نورت بمرورك الطيب اتمنى تكون المدونه عجبتك
اهلا اهلا ياايناس نورتى بجد معلش والله انا بحاول اعمل كل حاجه علشان اسهل الردود وكمان لغيت حكايه ان الاعضاء بس هما اللى يشوفوا المدونه
اهلا ياسوسو نورتينى كتييير بوجودك الجميل ده يارب تكون عجبتك
انا موجود اهو يااحمد نورتنى والله بس كان عندى مشاكل كتير غبت بسببها
إرسال تعليق